Bu küçədə avtobus zolağında minib-düşmə məntəqəsi yaradıldı - VİDEO - FOTO

Bakıda avtobus zolaqlarında digər nəqliyyat vasitələrinin sərnişinləri mindirib düşürməsi üçün daha bir nöqtə ayrılıb.
Avtosfer.az xəbər verir ki, yeni məntəqə Yasamal rayonu, Abbas Mirzə Şərifzadə küçəsində, “İnşaatçılar” metro stansiyasının yaxınlığında müəyyənləşdirilib. Bu ərazidə taksilər və digər nəqliyyat vasitələri avtobus zolağına daxil olaraq sərnişinləri mindirib düşürə biləcəklər.
Qaydalara əsasən, sürücülərin həmin zolaqda dayanma müddəti üç dəqiqədən artıq olmamalıdır. Müəyyən edilmiş vaxt bitdikdən sonra nəqliyyat vasitələri məntəqəni tərk etməlidir, əks halda sürücülər cərimə oluna bilər.

Fidan