Bu küçədə hər gün minlərlə sürücü bilmədən qayda pozur – DİQQƏT - VİDEO

Bakıda yol hərəkətinin təşkilinə, yol nişanlarına və nişanlanma xətlərinə diqqət etməyən minlərlə sürücü hər gün qayda pozur. Avtosfer.az xəbər verir ki, söhbət Cavanşir körpüsünün üzərindən gedir. Üzeyir Hacıbəyov küçəsinin bu hissəsi 5 zolaqdan ibarətdir. Ən sağ solaqda nişanlanma xətti düzünə göstərsə də, körpünün sonunda məlum olur ki, bu zolaq yalnız sağa dönənlər üçündür.

Qanunda da qeyd olunduğu kimi, asfalt üzərində nişanlanma xətləri 3 dəfə təkrar olunur. Amma buna fikir verməyən, sıxlıq zamanı görməyən və ya görüb qəsdən qayda pozan sürücülərin sayı gündəlik minlərlə olur.

Odur ki, Avtosfer.az sürücülərin diqqətinə məhz bu nöqtədə hərəkətin təşkilindəki vəziyyəti çatdırır və bildirir ki, həmin nöqtədə düzünə hərəkət edən sürücülər 40 manat məbləğində cərimə oluna bilərlər.

Elmin