Bu küçədə səkilər zəbt olunub, yollar keçilməz olub - BNA haradadır? - VİDEO

Paytaxtın Süleyman Tağızadə küçəsində problemlə üzləşən sakinlər Avtosfer.az-ın qaynar xəttinə müraciət ediblər. Onlar bildirir ki, Murtuza Muxtarov küçəsi ilə kəsişmədən başlayaraq avtomobillər küçə həm sağda, həm də solda səkidə park edilir. Bu səbəbdən də piyadalar yolun hərəkət hissəsi ilə getməli olur, iriqabaritli nəqliyyat vasitələri üçün isə yol keçilməz olur. Yanğın baş verərsə, həmin küçəyə yanğın söndürən avtomobillərin girişinin mümkünsüz olacağı da qaçılmazdır. Ona görə də sakinlər bu küçədəki avtomobillərin təxliyə olunmasını, qayda pozan sürücülərin məsuliyyətə cəlb edilməsini və bu cür ensiz küçələrin daim nəzarətdə saxlanılmasını xahiş edirlər.

Şəfa