Bu küçədəki svetofor sıxlığa səbəb olur - Çıxış yolu nədir? - VİDEO

Paytaxtın Yasamal rayonu A.M.Şərifzadə küçəsindəki svetoforun iş rejimi yolda sıxlığın yaranmasına səbəb olur. Avtosfer.az">Avtosfer.az xəbər verir ki, Şərifzadə küçəsi ilə Məhəmməd Xiyabani küçəsinin kəsişməsində quraşdırılmış svetoforun iş rejimi səmərəli şəkildə təşkil edilməyib. Belə ki, svetofor obyektindəki sağa və sola əlavə bölmə işıqları yanan zaman bütün istiqamətlərdən gələn nəqliyyat vasitələri üçün qırmızı işıq yanır. Bu zaman düzünə- İctimai televiziya istiqamətinə gedən nəqliyyat vasitələri üçün də qırmızı işıq tətbiq edilir. Buna görə də günün pik saatlarında yolda sıxlıq və ləngimələr yaranır.

Qeyd edək ki, svetoforun əlavə bölməsində sağa və sola hərəkətə icazə verilən zaman düzünə gedən nəqliyyat vasitələri üçün də yaşıl işıq yanarsa yolda heç bir təhlükə yarana bilməz. Yaxşı olardı ki, əlavə bölmə ilə yanaşı həm də düzünə gedən sürücülərə də yaşıl işıq verilsin. Belə olan halda hərəkət həm səmərəli təşkil edilmiş olar, həm də sıxlığın yaranmasının qarşısı alınar.

Ümid edirik ki, aidiyyəti qurumlar həmin ərazini müayinə edərək hərəkətin təşkilinə yenidən baxacaq.

Fərid