Bu prospektlərdə hərəkət dayandı: dəhşətli tıxaca səbəb nədir? - VİDEO - FOTO

Bakının Xətai rayonunun Xocalı prospekti istiqamətində yol bağlanıb. Bu barədə məlumatı Bakı Nəqliyyat Agentliyi yayıb. Bildirilir ki, Nəcəfqulu Rəfiyev küçəsində aparılan asfaltlama işləri ilə əlaqədar Xocalı prospekti ilə kəsişməyə qədər yol bağlıdır.

Vətəndaşların Avtosfer.az-a göndərdiyi videodan görünür ki, ərazidə dəhşətli  tıxac yaranıb. Nobel prospekti, Nəcəfqulu Rəfiyev və Xocalı prospekti istiqamətində avtomobillərin hərəkəti dayanıb. Videonu təqdim edirik:

AAYDA-nin İctimaiyyətlə əlaqələr şöbəsinin rəisi Anar Nəcəfli Avtosfer.az-a bildirib ki, fevralın 5-dən 6-na keçən gecədən etibarən Xətai rayonu Nəcəfqulu Rəfiyev küçəsinin Xocalı və Nobel prospektlərinin kəsişməsində yerləşən hissəsində aparılan təmir işləri ilə əlaqədar olaraq avtonəqliyyat vasitələrinin hərəkəti məhdudlaşdırılıb. Məhdudlaşma fevral ayının 9-u axşam saatlarından aradan qaldırılacaq. Sürücülərdən aparılan işlərə anlayışla yanaşmaları və öncədən hərəkət istiqamətlərinə uyğun alternativ yollardan istifadə etmələri xahiş olunur. "Müvəqqəti narahatlığa görə vətəndaşlardan üzr istəyirik".

Orxan