Ceyranbatanda ağac kəsənlər sürücünü belə təhlükəyə atdı - ANBAAN VİDEO

Bakı-Sumqayıt yolunun Ceyranbatan qəsəbəsi ərazisindən keçən hissəsində yaranan təhlükəli vəziyyət anbaan kameraya düşüb.

Avtosfer.az xəbər verir ki, yolun kənarında heç bir xəbərdarlıq nişanı qoymadan qurumuş ağacı kəsirlər. Bu zaman ağac yolun hərəkət hissəsinə aşır və avtomobilə təhlükə yaradır. Sürücü son anda manevr edərək qəzadan xilas olur. Eyni zamanda ağacın aşdığı ərazidə yol təsərrüfatı işçiləri də var. Onlar ağac aşan ərazinin yaxınlığında hərəkət edir və təhlükə ilə üz-üzə qalırlar. 

Qeyd edək ki, yol kənarında hər hansı iş görülən zaman mütləq şəkildə xəbərdaredici nişan qoyulmalı, lazım gələrsə avtomobillər digər zolağa yönləndirilməlidir. 

Təəssüf ki, iş icraçıları bir çox hallarda təhlükəsizlik qaydalarına riayət etmir və nəticədə xoşagəlməz hadisələr yaşanır. 

Könül