Avtosfer.az | Reklam
“Chevrolet” TIR-la toqquşdu; 4 ölü, 5 yaralı - VİDEO
Avtosfer TV 8 Sentyabr 2020 13:37 Oxunub 1360
“Chevrolet” TIR-la toqquşdu;  4 ölü, 5 yaralı - VİDEO

Rusiyanın Krasnodar bölgəsində iki nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, qəza sentyabrın 8-də səhər saatlarında Krasnodar – Eysk trasının 75-ci kilometrliyində Bryüxoveçk rayonu ərazisindən keçən hissəsində qeydə alınıb.

Məlumata görə, hərəkətdə olan “Chevrolet Lanos” markalı minik avtomobili, sürücünün sükan hakimiyyətini itirməsi səbəbindən yolun əks istiqamətinə çıxıb və qarşıdan gələn "Kamaz" markalı TIR-la toqquşub.

Zərbənin təsirindən hər iki nəqliyyat vasitəsi yol kənarına düşüb.

Qəza nəticəsində 4 nəfər ölüb, daha 5 nəfər isə xəsarət alıb. Yaralılar, hadisə yerinə cəlb edilən təcili tibbi yardım briqadasının köməkliyi ilə xəstəxanaya çatdırılıblar. 

Faktla bağlı araşdırma aparılır.

 

Namiq Musayev

 

 

ŞƏRH YAZ
Ad

E-mail

Şərh