Çində doqquz yaşlı oğlan avtobus qaçırdı – VİDEO

Çinin Quançjou şəhərində məktəbli avtobus qaçırıb və polis saxlayana qədər onu şəhərdə 40 dəqiqə sürüb. Avtosfer.az Oxu.az-a istinadən xəbər verir. Çinin sosial şəbəkələrində doqquz yaşlı oğlanın avtobus sürməyi ilə bağlı videoçarx yayılıb. Yoldan ötənlər sükanın arxasında məktəblini görərək polisə xəbər veriblər. Avtobusu yalnız 40 dəqiqədən sonra GPS-qurğunun vasitəsilə dayandırmaq mümkün olub. Oğlan bütün bu müddət ərzində avtobusu səliqəli sürüb və heç nəyə dəyməyib. Məktəblinin avtobusu necə qaçıra bilməsi müəmmalıdır, lakin şəkildən görünür ki, minik vasitəsinin qapısının şüşədən olan hissəsi sındırılıb. Avtobusun sahibi bildirib ki, oğlan əvvəllər də mobil telefon və portmanat oğurladığı üçün saxlanılıb.