Dələduzun toruna düşən vətəndaş maşınları yandırıb cinayət törətdi - VİDEO

Yerli sakin dələduzların qurbanı olaraq cinayət törədib. Avtosfer.az xəbər verir ki, hadisə Rusiyanın Voronej şəhərində baş verib. Məlumata görə, 36 yaşlı yerli sakinə özünü bank əməkdaşı kimi təqdim edən şəxs zəng edib. Onun 40 min rubl borcu olduğunu, lakin bu borcu ödəməyin "asan" yolunu təklif edərək onun şəhərdə sahibsiz qalan bir avtomobili yandırmalı olduğunu deyib.

WUF13 iştirakçıları ödənişi müxtəlif vasitələrlə edə bilərlər - Bakı metrosu – FOTOLAR

Dələduzun sözünə inanan şəxs qeyd olunan ünvana yollanaraq "Ford" markalı avtomobili tapıb və onu yandırıb. Ancaq alov qısa müddətdə böyüyərək ətrafdakı digər avtomobillərə də ciddi ziyan vurub.

Hadisə yerindəki müşahidə kameraları sayəsində hadisəni törədənin şəxsiyyəti qısa zamanda müəyyən edilib. Polis tərəfindən saxlanılan 36 yaşlı kişi törətdiyi əməli etiraf edərək borcdan qurtulmaq istədiyini bildirib.

Hazırda faktla bağlı araşdırma aparılır. İndi onu borcunu bağlamaq əvəzinə həm maddi təzminat, həm də cinayət məsuliyyəti gözləyir.

Namiq Musayev