Dəşhətli yol qəzası: bir ailənin 5 üzvü öldü – FOTO+VİDEO

Rusiyanın Krasnodar bölgəsinin Kuban şəhərində 5 nəfərin ölümünə səbə olan ağır yük maşınının sürücüsü nəzarətə götürülüb. Avtosfer.az xəbər verir ki, bu barədə Rusiya İstintaq Komitəsinin Krasnodar diyarı üzrə İstintaq Komitəsindən məlumat verilib.

“Hazırda onun barəsində müvafiq ittiham irəli sürülüb və müstəntiqin vəsatəti əsasında məhkəmə onun barəsində həbs-qətimkan tədbiri seçib”, - məlumatda deyilir.

Qeyd edək ki, ağır yol qəzası iyulun 30-da Kuban şəhərinin Troiçkoy satansiyası yaxınlığında baş verib.

Belə ki, 56 yaşlı sürücünün idarə etdiyi “MAZ” markalı qoşqulu yük maşını düzgün ara məsafəsi saxlamayaraq eyni istiqamətdə hərəkətdə olan və tıxacda dayanan “Chevrolet Lacetti” markalı minik avtomobilinə arxadan çırpılıb.

Zərəbənin təsirindən minik maşını qarşısında daynamış yarımqoşqulu “DAF” markalı yük maşınının altına girib. İki yük maşınının arasında qalan “Chevrolet” deformasiyaya uğrayıb.

Nəticədə minik avtomobilinin sürücüsü, həmçinin onun həyat yoldaşı qadın və onların yentkinlik yaşına çatmayan 3 uşağı aldıqları ağır xəsarətlərdən hadisə yerində ölüblər.

Namiq Musayev