Dəyişiklikdən sonra “Şamaxinka”da vəziyyət necədir? - VİDEO

Artıq bir neçə gündür ki, paytaxtın Yasamal və Nəsimi rayonları arasında yerləşən “Şamaxinka” adlanan” ərazidə quraşdırılan işıqforlar müzakirələrə səbəb olub. Bəzi vətəndaşlar ərazidə hərəkətin yenidən təşkilinin səmərəsiz olduğunu, tıxacın həllinin mümkünsüzlüyünü qeyd edib.

Avtosfer.az xəbər verir ki, ərazidən istifadə edən sakinlərdən biri real vəziyyəti göstərib. O qeyd edib ki, ötən gün paylaşdığı fotonun süni intellektlə, montajla düzəldiyini bildirənlər olub. Buna görə də ərazinin son halının videosunu paylaşmaq qərarına gəlib.

Vətəndaşın paylaşdığı videodan da aydın görünür ki, həm 20 Yanvar küçəsi ilə kəsişmədə, həm də geriyə dönmə nöqtələrində tıxac yoxdur. Yalnız həmişəki kimi Xırdalandan şəhər istiqamətində avtomobil axını olduğu üçün məhz o hissədə qismən sıxlıq görünür.

Vətəndaş qeyd edib ki, edilən dəyişikliklərdən sonra həmin sıxlıq da zamanla aradan qalxacaq. Hazırkı vəziyyət isə “Şamaxinka”nın ilk ən az sıxlıqsız halıdır, dəyişikliklərə isə sürücülər zaman keçdikcə öyrəşəcək.

Səfər