Dörd şəhidi olan kəndin bərbad yolu; "UAZ"la 10 manata gedirlər - VİDEO

Avtosfer TV 13 Sentyabr 2023 16:05 Oxunub 1088
Dörd şəhidi olan kəndin bərbad yolu; "UAZ"la 10 manata gedirlər - VİDEO
WhatsApp kanalımıza abunə ola bilərsiniz

Yardımlı rayonunun Kürəkçi kəndinin sakinləri yolsuzluqdan əziyyət çəkir.
Məsələ ilə bağlı yerli sakinlər Avtosfer.az-ın qaynar xəttinə müraciət ediblər. Kənddə 4 şəhid var, lakin rayon camaatı onların qəbirlərini və ailələrini gedib ziyarət edə bilmir. Səbəb isə yolun bərbad vəziyyətdə olmasıdır. Sakinlərin sözlərinə görə ərazidə yağış yağan zaman bu yoldan keçmək demək olar ki, mümkün deyil.
Problemlə bağlı Yardımlı rayon İcra Hakimiyyətinə müraciət etdik. Zəngimizə cavab verən şəxs öncə mətbuat şöbəsinə, onlar da ümumi şöbəyə yönləndirdilər. Lakin aldığımız cavab yox birinci müavinin nömrəsi oldu. Qeyd olunan şəxsisə telefon zənglərinə cavab vermədi. Bir sözlə telefonla şöbələri gəzdikdən sonra heç bir cavab ala bilmədik. “Problemin aradan qaldırılması ilə bağlı hansı planlar var? Ümumiyyətlə belə bir plan varmı?” sualları isə elə sual olaraq da qalır. Nəticədə vətəndaş əziyyət çəkir. 
4 kilometrlik yolu, bir nəfəri 10 manata aparan “UAZ” sürücüləri isə yolun bərbad olduğunu əsas gətirir.

Nurlan Sakitoğlu
Nərmin Əkbər

ŞƏRH YAZ
Ad

E-mail

Şərh