Dörd sürücüyə görə şəhərin girişində sıxlıq yarandı - Tuneldə qəza - VİDEO

Bakıda qəzaya düşən sürücülər yolda sıxlığa səbəb olublar. Avtosfer.az xəbər verir ki, hadisə oktyabrın 9-da paytaxtın Moskva prospektində (şəhərin şimal girişində) baş verib. Ara məsafəsi saxlamayan sürücülər bir birinə toxunaraq yüngül yol nəqliyyat hadisəsinə səbəb olublar. Videogörüntüdən də aydın şəkildə görünür ki, avtomobillərə ciddi ziyan dəyməyib və xəsarət alan yoxdur. Lakin buna baxmayaraq onlar polislə sığortanı qəza baş verən nöqtədə gözləyiblər. Bu zaman sıxlığa səbəb olaraq digər sürücülərin hərəkətinə maneə yaradıblar.

Dəfələrlə qeyd etmişik ki, baş verən yüngül qəzalarda yolun ortasında gözləməyə ehtiyac yoxdur. Sürücülərə tövsiyə edirik ki, belə qəzalar baş verən zaman yolun kənarında dayanaraq prosedura uyğun hərəkət etsinlər. Əksər sürücülərin yaddaşında qalmış yanlış bir düşüncə var ki, qəza olan zaman maşınları yerindən tərpətmək olmaz. Qəza zamanı günahın hansı sürücüdə olması məlumdursa, hətta onların yolun kənarında dayanmasına da ehtiyac yoxdur. Birbaşa Dövlət Yol Polisi İdarəsinə gedərək bunu rəsmiləşdirməlidirlər.

Fərid