“Drift” edən “BMW” beton dirəyi aşırdı; 3 nəfər ölüb – FOTO + VİDEO

Rusiyanın Krasnodar şəhərində minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə sentyabrın 19-da günorta saatlarında “Çekistlər” prospektində qeydə alınıb.

Məlumata görə, şəxsiyyəti müəyyənləşdirilməyən sürücü yüksək sürətlə idarə etdiyi qızılı rəngli “BMW” markalı minik avtomobili ilə, sözügedən küçədə hərəkətdə olarkən, təhlükəli tryuklar edib və sükan idarəetməsini itirərək yol kənarındakı betondan işıq dirəyinə çırpılıb.

Zərbənin şiddətindən dirək yolun hərəkət hissəsinə aşıb, avtomobil isə deformasiyaya uğrayıb.

Hadisə şahidi bildirib ki, qəza anında avtomobildə sürücü ilə birlikdə 3 nəfər olub.

Yerli KİV-in yazdığına görə, qəza nəticəsində 2 nəfər hadisə yerində, daha 1-i isə xəstəxanada dünyasını dəyişib.

Namiq Musayev