"Əcəmi"nin ölüm saçan gəncləri: İnsanların həyatı ilə oynayırlar - DYP hərəkətə keçdi - VİDEO

Bakıda moped sürücülərinin ölüm saçan görüntüləri kameraya düşüb. Avtosfer.az xəbər verir ki, hadisə aprelin 6-da, paytaxtın Seyid Cəfər Pişəvəri küçəsində qeydə alınıb.

Belə ki, kameraya düşən 3 moped sürücüsü və sərnişinləri dəbilqə olmadan hərəkət ediblər. Eyni zamanda onlardan ikisi konkret olaraq avtoxuliqanlıq ediblər.

Öncə qırmızı işıqda stop xətti keçərək yolun hərəkət hissəsində olan piyadaların üzərinə sürüblər. Daha sonra isə yarışa çıxıblar.

Bir az qarşıda onlardan biri avtobusu sağdan, digəri isə soldan ötüb. Bu zaman keçidi keçən piyadaların həyatını təhlükə altında qoyublar.

Bakı Şəhər DYP İdarəsindən Avtosfer.az-ın sorğusuna cavab olaraq bildirildi ki, videogörüntü ilə əlaqədar hazırda araşdırma aparılır. Sürücülərin aşkar olunaraq məsuliyyətə cəlb edilməsi istiqamətində tədbirlər həyata keçirilir

Sözügedən videonu təqdim edirik.

Fərid