Əks yola çıxıb yanacaq daşıyan maşınla toqquşdu - VİDEO

Qayda pozan sürücü qəza törədib. Avtosfer.az xəbər verir ki, ABŞ-nin Lamberton şəhəri yaxınlığındakı magistral yolunda baş verən hadisə həvəskar kamera tərəfindən qeydə alınıb.

Hava ilə bağlı XƏBƏRDARLIQ: İntensiv yağışlar yağacaq

Məlumata görə, 62 yaşlı sürücü idarə etdiyi avtomobillə hərəkət qaydalarını pozaraq əks istiqamətə çıxıb. Nəticədə minik avtomobili qarşıdan gələn yanacaq daşıyan yük maşını ilə toqquşub.

Hadisə yerinə dərhal xilasedicilər və təcili tibbi yardım briqadaları cəlb olunub. Qəza nəticəsində hər iki sürücü müxtəlif dərəcəli bədən xəsarətləri alıb. Yaralılar yaxınlıqdakı xəstəxanalara yerləşdiriliblər. Həkimlərin verdiyi məlumata görə, hər iki şəxsin xəsarətləri həyati təhlükə daşımır.

Sürücünün hansı səbəbdən əks istiqamətdə hərəkət etdiyi hələlik məlum deyil. Faktla bağlı yerli hüquq-mühafizə orqanları tərəfindən araşdırma aparılır.

Sözügedən qəzanın anbaan görüntülərini təqdim edirik:

Namiq Musayev