“Əlil” nişanı olan avtomobilin sürücüsü ard-arda qayda pozdu - 21-BX-963 - VİDEO

Paytaxtın Atatürk prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə dekabrın 16-da saat 17:35 radələrində qeydə alınıb. Belə ki, 21-BX-963 dövlət nömrə nişanlı “Khazar” markalı avtomobilin sürücüsü ard-arda yol hərəkəti qaydalarını pozub.

Kadrlardan görünür ki, tıxacda gözləmək istəməyən sürücü təhlükəsizlik adacığının üzərinə çıxıb və sol zolaqda dayanmış avtomobilə məhəl qoymadan həmin zolağa manevr edib. Bu davranış həm görüntünü qeydə alan sürücünün hərəkətinə əngəl törədib, həm də qəza riskini artırıb. Təhlükəylə üzləşən sürücü sözügedən avtomobildə “əlil” tanınma nişanının olduğunu vurğulayaraq onun qaydalara daha məsuliyyətli yanaşmalı olduğunu bildirib.

Qeyd edək ki, təhlükəsizlik adacığı və digər hərəkət zolaqları yalnız nəzərdə tutulduğu məqsəd üçün istifadə edilməlidir. “Əlil” tanınma nişanı olan avtomobillər üçün müəyyən güzəştlər nəzərdə tutulsа da, bu, qayda pozuntularına əsas vermir. 

Nərmin