Əyləc əvəzinə qaz pedalına basan qadın sürücü iki gənc qızı vurdu - VİDEO

Avtomobilini park etmək istəyən qadın sürücü iki gənc qızı vurub. Avtosfer.az xəbər verir ki, hadisə Türkiyənin Yalova şəhərində baş verib. Məlumata görə, Kadıköy rayonunda E.G. adlı xanım sürücü idarə etdiyi avtomobili park etmək istəyərkən əyləc əvəzinə qaz pedalına basıb və bu zaman səki ilə gedən 18 yaşlarında olan iki gənc qızı vurub.
Qəza nəticəsində gənc qızlardan biri Sena Nur Şahin avtomobilin altında qalaraq ağır xəsarətlər alıb. 
Yaralı ətrafdakı vətəndaşların çağırışı ilə hadisə yerinə gələn təcili tibbi yardım briqadasının köməyi ilə Yalova Təhsil və Araşdırma Xəstəxanasına aparılıb. 
Qəzanı törədən sürücü polis əməkdaşları tərəfindən saxlanılıb, hadisə ilə bağlı araşdırma başlayıb.

Namiq Musayev