Gecə 24 yaşlı xanımın “Infiniti”sini yandırdılar - VİDEOlar

Rusiyanın Sankt-Peterburq şəhərində naməlum şəxsin avtomobili yandırma görüntüləri həvəskar kameralar tərəfindən qeydə alınıb. Avtosfer.az xəbər verir ki, hadisə “Kuznesov” küçəsində baş verib.

Kadrlarda, gecə saatlarında bir şəxsin yol kənarına park edilmiş “Infiniti” markalı avtomobilə yaxınlaşdığı və onun üzərinə benzin tökərək yandırdığı görülür.

Daha sonra isə cinayətkar soyuqqanlı şəkildə hadisə yerini tərk edir.

Ətrafdakı insanların çağırışı ilə hadisə yerinə yanğınsöndürənlər gəliblər. Yanğın mühafizə olunub. Alovların digər nəqliyyat vasitələrinə keçməsinin qarşısı alınıb.

Bildirilir ki, “Infiniti” markalı avtomobil 1996-cı ilə təvəllüdlü bir xanıma məxsus olub.

Hazırda faktla bağlı cinayət işi açılıb, hadisəni törədən şəxsin saxlanılması istiqamətində əməliyyat-axtarış tədbirləri aparılır.

Namiq Musayev