Gecə saatlarında “Chevrolet” alışdı - Yanğını görən gənc sürücü maşını söndürdü - VİDEO

Paytaxtın Binəqədi rayonu, Moskva prospektində avtomobil alışaraq yararsız vəziyyətə düşüb.

Avtosfer.az-ın məlumatına görə, hadisə mayın 28-də saat 04:00 radələrində qeydə alınıb. Belə ki, hərəkətdə olan 90-YM-349 dövlət nömrə nişanlı “Chevrolet Cruze” markalı avtomobil anidən alışaraq yanıb. Bu vaxt ərazidən keçən sürücülərdən biri yanan maşına ilkin müdaxilə edərək alovun qarşısını alıb.  Ardınca əraziyə Fövqəladə Hallar Nazirliyinin (FHN) Dövlət Yanğından Mühafizə Hissəsinin yanğınsöndürən maşını və canlı qüvvələri cəlb edilib. Avtomobilin qalan hissəsi yanğından mühafizə olunub. 

Qeyd edək ki, zərərçəkmiş sürücü hadisənin görüntüsünü sosial şəbəkə hesabında paylaşıb. O, yanğının qarşısını alan sürücüyə minnətdarlığını bildirib. 
 

Nərmin