Gəldiyi sürətlə dairəyə girən sürücü qəza törətdi - 10-KD-012 - VİDEO

Bakıda yol hərəkəti qaydasını pozan sürücü qəzaya səbəb olub. Avtosfer.az xəbər verir ki, hadisə mayın 30-da, paytaxtın Sadıqcan küçəsi ilə Səməd bəy Mehmandarov küçəsinin kəsişməsində qeydə alınıb. Belə ki, 10-KD-012 qeydiyyat nişanlı "Mercedes S Class" markalı avtomobilin sürücüsü dairəvi hərəkət təşkil edilmiş yolayrıcına daxil olan zaman qaydaları pozub. O, üstünlüyə malik olan 90-FD-228 qeydiyyat nişanlı "Mercedes C Class" markalı avtomobilin sürücüsünə yol verməyərək qəzaya səbəb olub. Hadisə nəticəsində hər iki avtomobilə maddi ziyan dəyib.

"Yol hərəkəti haqqında" qanunun 42-ci maddəsinin XV hissəsində qeyd olunub ki, dairəvi hərəkət təşkil olunmuş yolayrıcına daxil olan sürücü dairədə hərəkət edən nəqliyyat vasitələrinə yol verməlidir.

Sözügedən videonu təqdim edirik.

Fərid