Gənc baykerin polislərlə qorxulu qaçdı-tutdu oyunu qəza ilə başa çatdı - VİDEO

Gənc baykerin polislərlə qorxulu qaçdı-tutdu oyunu qəza ilə başa çatıb. Avtosfer.az xəbər verir ki, Rusiyanın Krasnodar şəhərində baş verən hadisə kameraya düşüb. Belə ki, 18 yaşlı sürücü motosikletlə gənc bir xanım sərnişinlə şəhər küçələrində təhlükəli yarışa çıxıb. Yol polislərinin “saxla” əmrinə tabe olmayan və piyadaların həyatını təhlükəyə atan gənc sürət həddini aşaraq qaçmağa çalışıb. Lakin onun bu “şou”suna yol kənarındakı zibil qutuları son qoyub. İdarəetməni itirən bayker motosikleti birbaşa zibil qutularına çırpıb.
Hadisədən dərhal sonra saxlanılan qayda pozucusuna qarşı eyni vaxtda 5 inzibati protokol tərtib edilib. Onun motosikleti isə evakuator vasitəsilə cərimə meydançasına aparılıb. 
Sözügedən hadisənin anbaan videosunu təqdim edirik:

Namiq Musayev