Gəncənin bu ərazisində yollar bərbad haldadır – Sakinlər kömək istəyir - VİDEO

Avtosfer TV 24 Noyabr 2023 16:00 Oxunub 694
Gəncənin bu ərazisində yollar bərbad haldadır – Sakinlər kömək istəyir   - VİDEO
WhatsApp kanalımıza abunə ola bilərsiniz

Bura Qədim Gəncənin 2-ci mikrorayon ərazisi sayılır. Burada yaşayan sakinlər yolların bərbad vəziyyətdə olmasından şikayətçidirlər. Avtosfer.az saytının qaynar xəttinə göndərilən videodan da aydın görünür ki, hər gün palçıqlı yollarla hərəkət etmək məcburiyyətində olan sakinlər artıq boğaza yığılıblar. Döymədikləri qapı, müraciət etmədikləri qurum qalmayıb. Amma nədənsə gözdən, könüldən uzaqda olan bu əraziyə nə baxış keçirən var, nə də problemi həll etməyə çalışan qurum. Hər gün bu yolla hərəkət edən piyadalarla yanaşı, sürücülər də çala-çuxur yollarda həm vaxt itirirlər. Həm də avtomobilə ziyan dəydiyi üçün pul xərcləməli olurlar. Çünki yolun bərbad olması səbəbindən avtomobillərə ziyan dəyir.
Yayın qızmar istisində qış arzulayanlar indi heç payızı da sevmirlər. Çünki yağış yağar-yağmaz vəziyyət daha da acınacaqlı və keçilməz olur. Bu da sakinlərin həyat şəraitini çətinləşdirir.
Məlum mənzərə narahatlıq doğurmaya bilmir. Qazıq-qazıq olan yol, çala-çuxurlardakı gölməçələr, palçıqdan, daş-kəsəkdən keçilməz olan səkilərin tespublikanın ikinci böyük şəhərində lentə alınması da ayrıca təəssüf doğurur.

Nurlan Sakitoğlu

ŞƏRH YAZ
Ad

E-mail

Şərh