Güllələnən həmkarlarının köməyinə tələsən polislər qəzaya düşdülər - VİDEO

İki polis əməkdaşının güllələnməsindən sonra hadisə yerinə tələsən polislər qəzaya düşüb. Avtosfer.az xəbər verir ki, hadisə ABŞ-nin Ohayo ştatının Columbus şəhərində baş verib.

Belə ki, post patrul xidmətinin əməkdaşları ərazidə xidmət aparan zaman Mifflin qəsəbəsində iki polisin güllələnməsi ilə bağlı məlumat alaraq hadisə yerinə tələsiblər.

Polis əməkdaşının idarə etdiyi “Ford” markalı xidməti avtomobili hərəkətdə olan zaman eyni istiqamətdə hərəkətdə olan “Jeep” markalı yolsuzluq avtomobili anidən manevr edib və toqquşma baş verib.

Zərbənin təsirindən hər iki nəqliyyat vasitəsi istifadəsiz vəziyyətə düşüb.

Qəza nəticəsində xidməti avtomobildə olan iki polis və “Jeep”in sürücüsü xəsarətlər alıblar.

Yerli KİV-in məlumatına görə, güllə yarası alan iki polis xəstəxanaya çatdırılıblar. Onların vəziyyətinin qənaətbəxş olduğu bildirilib.

Namiq Musayev