Heyvanlara qarşı allergiyası olan qadın zorla təyyarədən endirildi - VİDEO

ABŞ-da itə qarşı allergiyası olan qadın sərnişini zorla təyyarədən endiriblər. Avtosfer.az "Report"a istinadən xəbər verir ki, hadisə "Southwest Airlines"ə məxsus, Baltimordan Los Ancelesə uçan təyyarədə baş verib. Təyyarənin göyərtəsində iki it olub. Sərnişinlərdən biri bildirib ki, onda canlılara qarşı təhlükəli allergiya var, lakin o, tibbi arayış göstərə bilməyib. Ekipaj bildirib ki, bununla əlaqədar onu təyyarədən endirəcəklər. Qadın əsəbləşməyə başlayıb və polis çağırılıb. İki polis əməkdaşı onu zorla salondan çıxarıblar. Daha sonra aviaşirkət hadisə ilə bağlı sərnişinlərdən üzr istəyib.