İdarəetmədən çıxan maşın yeniyetmə velosipedçinin üstündən keçdi - VİDEO

İdarəetmədən çıxan avtomobil yeniyetmə velosipedçinin üstündən keçib. Avtosfer.az xəbər verir ki, Şimali Osetiya Respublikasında baş verən qəzanın görüntüləri yol kənarında yerləşən bir evin kamerasına düşüb. Yüksək sürətlə hərəkətdə olan “Lada Granta” markalı avtomobil sürücüsünün idarəetməsindən çıxaraq yolun əks zolağına keçib. Həmin zolağın sağ kənarı ilə gedən 12 yaşlı velosipedçi oğlan üzərinə avtomobilin gəldiyini görərək panikaya düşüb və müvazinətini itirərək yıxılıb. Bu zaman sürətlə gələn avtomobil onun üstündən keçib. Hadisə nəticəsində çoxsaylı ağır xəsarətlər alan yeniyetmə xəstəxanaya yerləşdirilib. Hazırda o, reanimasiyadadır. Həkimlər onun həyatda qalması üçün mübarizə aparırlar.
Sözügedən hadisənin anbaan kadrlarını təqdim edirik:

Namiq Musayev