“Land Rover”in çırpıldığı məhəccər əks yoldakı yük maşınına dəydi - ANBAAN VİDEO

Saray-Xırdalan yolunda (Təzə yol) yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza iyunun 24-də saat 10:15 radələrində qeydə alınıb: “Belə ki, İsmayılov İbrahim İmamyar oğlunun idarə etdiyi 90-ON-114 dövlət nömrə nişanlı “Land Rover” markalı avtomobilin sürücüsü qəza törədib. Hadisəyə səbəb “Land Rover” sürücüsünün sərt döngədə idarəetməsi olub. Nəticədə maşın dəmir məhəccərə çırpılıb. Zərbənin təsirindən dəmir məhəccərlər qoparaq əks istiqamətdə hərəkətdə olan Vəliyev Hikmət Vüqar oğlunun idarə etdiyi 99-TH-148 dövlət nömrə nişanlı “Ford Transit” markalı yük maşınına dəyib. Hadisə zamanı hər iki nəqliyyat vasitəsinə maddi ziyan dəyib”.

Faktla bağlı araşdırma aparılır. 

Nərmin