Ləkidəki məşhur dəmir yolu keçidi: dəyişən şlaqbaumlar - VİDEO

Ağdaş rayonunun Ləki qəsəbəsində yerləşən bu dəmiryolu keçidinin yaşı yüzdən çoxdur. Keçid 19-cu əsrin sonlarında istismara verilmiş Bakı-Tiflis dəmir yolu xəttinin həmyaşıdıdır. İş prinsipi dəyişməsə də, şlaqbaumların tipi dəyişib.

Sovet dövründə dəmir yolu keçidlərində şlaqbaumlar beynəlxalq normaya uyğun yalnız bir istiqaməti bağlayırdı. Lakin bütün Sovet məkanında sürücülərin yandan keçərək yaxınlaşan qatarın qarşısına çıxması və qəzalar hökumətləri bir daha düşünməyə məcbur etdi. Əvvəlcə Ukraynada tətbiq olunan bütöv şlaqbaumlar tezliklə bütün keçmiş Sovet məkanına yayıldı. Təbii ki, Azərbaycan da istisna deyil. Ləkidəki keçiddə isə şlaqbaumların biri gödək, digəri isə bütövdür.

Təəssüf ki, bu, bizim yol mədəniyyətimizin çox da yüksək olmadığını göstərir. Çünki sürücülər yaxınlaşan qatara diqqət etmədən dəmiryolu keçidinə daxil olurlar və bu da qəzalara səbəb olur.

Vüqar Yaşaroğlu