Leylək ağır yol qəzasına səbəb oldu; 3 nəfər ağır yaralandı - VİDEO

Ukraynanın Lıvov əyalətində leylək yanğınla nəticələnən yol qəzasına səbəb olub. Avtosfer.az “TSN” portalına istindən xəbər verir ki, hadisə Pukeniçi qəsəbəsi ərazisində qeydə alınıb.

Məlumata görə, üzərinə leyləyin gəldiyini görən yük maşınının sürücüsü, sükanı qəfil sola döndərərək yolun əks istiqamətinə çıxıb və qarşıda hərəkətdə olan mikroavtobusla toqquşub.

Zərbənin təsirindən hər iki nəqliyyat vasitəsində yanğın baş verib.

Şahidlər insanları maşınlardan çıxararaq alovların söndürülməsinə kömək ediblər.

Qəza zamanı mikroavtobusun 3 sərnişini ağır xəsarətlər alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Namiq Musayev