Masallı yolunda yük maşınlarını daşqalaq etdilər - VİDEO

Bir neçə yük maşınına daşla maddi ziyan vurulub.

Avtosfer.az xəbər verir ki, sürücülərdən biri nəqliyyat vasitələrini videoya çəkərək sosial şəbəkə hesabında paylaşıb.

Kadrlardan görünür ki, T-949-AM dövlət nömrə nişanlı “Volvo”, P-221-MT dövlət nömrə nişanlı digər “Volvo” və 99-YD-650 nömrəli “Schmitz” markalı yük maşınlarının ön hissəsinə və kabinlərinə daş dəyməsi nəticəsində müxtəlif zədələr yaranıb.

Şikayətçinin sözlərinə görə, hadisə Masallı yolu ərazisində baş verib. Belə ki, yük avtomobilləri həmin yoldan keçərkən bir qrup yeniyetmə onlara daş ataraq nəqliyyat vasitələrinin müxtəlif hissələrinə ziyan vurub.

Hadisə nəticəsində yük maşınlarına maddi zərər dəyib. Sürücü bu cür halların qarşısının alınması və hadisənin araşdırılması üçün aidiyyəti qurumların diqqətini məsələyə yönəldib.

Nərmin