Maşından çıxıb təhlükəli hərəkətlər edən sərnişin yola düşdü - Sonu ölümdür - VİDEO

Avtomobildə əyləşən hər bir sərnişin ilk növbədə təhlükəsizlik kəmərindən istifadə etməlidir. Təəssüf ki, əksər sərnişinlər təhlükəsizlik kəməri taxmırlar. Bu hal qəza şəraiti, yaxud qəza zamanı sərnişinin ağır xəsarət almasına, hətta ölümünə gətirib çıxara bilər. 

Təsadüfi deyil ki, sərnişinlərin xəsarət aldığı, hətta onların ölümüylə nəticələnən yol qəzaları kifayət qədərdir. Belə bədbəxt hadisələrin maksimum azalması üçün vacib məqamlardan biri də təhlükəsizlik kəmərindən istifadə olunmasıdır. 

Bəzi sərnişinlər nəinki kəmərdən istifadə etmirlər, hətta təhlükəli hərəkətlər edərək özlərini riskə atırlar. Xüsusilə gənc nəslin nümayəndələri  arasında maşının yan şüşələrindən, lyukundan başını, hətta bədəninin yarısını çölə çıxararaq və ya avtomobilin yük yerində oturaraq “şou” göstərənlər də az deyil. İşin ən acınacaqlı tərəfi isə onların törətdikləri əməlin qəzayla nəticələnə biləcəyini gözə almalarıdır. Adətən gənclər toy karvanında və ya kütləvi şəkildə avtoxuliqanlıq etdikləri zaman qeyd etdiyimiz davranışlara yol verirlər.

Elə vurğuladığımız məsələylə bağlı görüntülər sosial şəbəkələrdə geniş yayılıb.

Avtosfer.az-ın məlumatına görə, müxtəlif vaxtlarda qeydə alınmış videolarda təhlükəli hərəkətlər nümayiş etdirən sərnişinlər lentə alınıb. Belə ki, maşının yan şüşəsindən bədəninin yarısını çölə çıxaran gənc oğlan manevr zamanı asfalta yıxılıb. Xoşbəxtlikdən arxadan gələn nəqliyyat vasitələrinin sürücüləri onu görərək ehtiyatlı davranıblar.

Toy kortecində qeydə alınmış digər görüntüdə isə sərnişin maşının yük yerində uzanıqlı halda oturaraq arxadan gələn maşındakı sürücü və sərnişinlə dialoq qurub. 

Nərmin