Maşını yavaş sürməyə görə sürücülər əlbəxaya oldu; davaya polis qarışdı - VİDEO

Yolda "Niyə yavaş gedirsən?" sözü üstündə düşən mübahisə polis bölməsində bitib. Avtosfer.az xəbər verir ki, Türkiyənin Nevşehir şəhərində baş verən hadisənin görüntüləri bir iş yerinin təhlükəsizlik kamerası tərəfindən qeydə alınıb. 
Belə ki, 50-ADL-346 dövlət nömrə nişanlı yük maşınının sürücüsü A.Y., qarşısında normal sürət həddindən aşağı hərəkət edən 50-AAG-077 dövlət nömrə nişanlı minik avtomobilinin sürücüsü H.A.-ya siqnal və fara işıqları ilə xəbərdarlıq edib. Dəfələrlə siqnal verən yük maşınının sürücüsü onu ötərək "Niyə yavaş gedirsən?" deyib və qarşısına keçərək ona maneə yaradıb. Bu dəfə minik avtomobilinin sürücüsü yük maşınını ötərək ondan dayanmasını istəyib. Lakin yük maşınının sürücüsü buna əhəmiyyət verməyib, hətta onun avtomobilini vurub. Qəzadan sonra münasibətlər daha da gərginləşib. Sürücülər maşınlarını saxlayaraq yolda davaya başlayıblar. Dava zamanı H.A-nın qardaşı Z.A yük maşını sürücüsünə hücum çəkib. Ətrafdakı vətəndaşların xəbər verməsindən sonra hadisə yerinə polis əməkdaşları gəlib. Davanı ayıran asayiş keşikçiləri hər iki sürücünü ifadə vermələri üçün bölməyə aparıb. 
Sözügedən hadisənin kadrlarını təqdim edirik:

Namiq Musayev