"Mercedes" və "Prius" toqquşdu: günah kimdədir? - VİDEO

Paytaxtın Nizami rayonu, Əli Vəliyev küçəsində yol-nəqliyyat hadisəsi qeydə alınıb. Avtosfer.az-ın hadisə yerində olan əməkdaşları qəzadan sonra avtomobillərin və yolun vəziyyətini araşdırıb. Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli hadisənin baş vermə səbəblərindən danışıb. O, bildirib ki, burada əsas məsələ sürücü məsuliyyətsizliyidir.

Belə ki, Əli Vəliyev küçəsinə çıxan ikinci dərəcəli yolda stop nişanı qoyulsa da "Mercedes" markalı avtomobilin sürücüsü nişanın tələblərinə riayət etməyib. Nəticədə soldan gələn "Toyota Prius" markalı avtomobilin yoluna çıxıb. Qəza nəticəsində xəsarət alan olmasa da hər iki avtomobilə ciddi ziyan dəyib. 

Hadisə yerinə gələn DYP əməkdaşları nəqliyyatın hərəkətini tənzimləyiblər. 

Avtosfer.az hadisə yerində hazırlanmış videomaterialı təqdim edir:

Orxan Əli