Mərdəkanda təcili yardım maşını dəhşətli qəza törətdi - ANBAAN VİDEO

Paytaxtın Xəzər rayonu Hacı Zeynalabidin Tağıyev küçəsində dəhşətli yol-nəqliyyat hadisəsi baş verib. Avtosfer.az xəbər verir ki, dekabr ayının 5-də qeydə alınan qəzada təcili yardım maşını ilə "Saipa" markalı avtomobil toqquşub. 

Belə ki, sayrışan işıqları yandırsa da səs siqnalını qoşmayan təcili yardım avtomobilinin sürücüsü yolayrıcına yüksək sürətlə daxil olub. Bu zaman sağdan gələn avtomobilin önünə çıxıb. 

Nəticədə zərbənin gücündən təcili yardım maşını aşıb. 

Qeyd edək ki, ərazidə 26 saylı xəstəxana var. Ehtimal olunur ki, təcili yardım avtomobilinin sürücüsü xəstəxanaya tələsib. Lakin sürücü ya səs siqnalını qoşmalı, ya da sağdan gələn avtomobilə yol verməli idi. Bunların heç birini etmədiyi üçün isə ağır qəza qeydə alınıb. 

Faktla bağlı araşdırma aparılır. 

Könül