Məşhur müğənni qaydaları pozub qəzaya səbəb oldu - VİDEO

Türkiyəli məhşur pop müğənni Sinan Akçıl yol qəzasına səbəb olub. Avtosfer.az yerli KİV-ə istinadən xəbər verir ki, hadisə İzmir şəhərində baş verib.

Belə ki, Akçıl çıxış edəcəyi konsert zalına gedən zaman hərəkətin intensiv olduğu və piyada keçidinin olmadığı hissədə anidən yolu keçmək istəyib. Bu zaman hərəkətdə olan yük maşınının sürücüsü müğənnini görərək qəfil əyləcə sıxıb və arxadan gələn nəqliyyat vasitəsi yük maşınına  çırpılıb. Akçıl isə heç nə olmamış kimi hadisə yerindən uzaqlaşıb.

Qazaya düşən nəqliyyat vasitələrinin sürücüləri ilə sərnişinlərinin əsəbi vəziyyətləri isə ətrafda olan gənc xanımın kamerasının obyektivinə düşüb.  

Hadisə yerinə gələn yol polisi əməkdaşları, qəzaya düşən nəqliyyat vasitələrinin sürcülərinin ifadələrini alıblar.

Polis qəza ilə bağlı araşdırmalara başlayıb.

Qeyd edək ki, daha sonra sənətçi sosial şəbəkədə qəzaya səbəb olması haqda yayılan xəbərlərə əsəbiləşərək öz səhifəsindəki paylaşımında  bunları qeyd edib:

“Qəzanı mən törətməmişəm. Sürücüyə dedim ki, nə lazımdırsa, edəcəyik. Ofisdə görüşəcəyik. Ömrümdə heç kimdən qaçmamışam”.

Namiq Musayev