Məşhur prospektdə inəklərdən sonra qoyun sürüsü peyda oldu - VİDEO

Son zamanlar paytaxt küçələrində sahibsiz mal-qaranın nəzarətsiz formada gəzməsi adi hal alıb. Avtosfer.az dəfələrlə bu mövzuya toxunaraq şəhərin müxtəlif ərazilərində çəkilmiş videokadrları oxuculara çatdırıb. Budəfəki görüntülərdə də qoyun sürüsü Gəncə prospektində hərəkət iştirakçılarına çətinlik yaradıb. Qeyd edək ki, heyvanların yollara bu cür sahibsiz buraxılmasına görə inzibati məsuliyyət nəzərdə tutulur. 
Heyvanları sahibsiz buraxan qəssablar nəinki yollarda təhlükəyə səbəb olur, həm də piyadaların rahat hərəkət etməsinə maneə yaradır, səkiləri zəbt edirlər. İnsanların, ələxsus da, azyaşlı uşaqların gözü qarşısında heyvanları kəsərək qan axıdırlar. Mövsümü nəzərə alsaq havanın isti olması antisanitar vəziyyətin müxtəlif xəstəliklərə yol açacağına şərait yaradır. 
Ümid edirik ki, aidiyyatı qurumlar həm yol-hərəkəti iştirakçılarına, həm də piyadalara xoşagəlməz və çətin anlar yaşadan bu kimi hadisələrin qarşısını tez zamanda alacaq.

Nərminə Əli