"Miqalka" taxıb avtoxuliqanlıq edən sürücü belə tutuldu - ANBAAN VİDEO
Abşeronda yol hərəkəti qaydalarını kobud şəkildə pozan sürücü saxlanılıb. Avtosfer.az xəbər verir ki, 27-BV-286 dövlət nömrə nişanlı, "Lada" markalı avtomobilin sürücüsü Mirişli Şəmistan Qəmbər oğlu yüksək sürətlə hərəkət edərək avtoxuliqanlıq edib. Yol polisinin saxla əmrinə tabe olmayan sürücü təhlükəli manevrlər edərək qaçıb. Sonda süni tıxac yaradılaraq saxlanılan zaman məlum olub ki, sürücü avtomobildə konstruksiya dəyişiklikləri edib.
Belə ki, avtomobilin asqı sistemində, sükan idarəetmənə mexanizmində və faralarında dəyişikliklər olunub. Eyni zamanda, maşına qadağan olunmuş sayrışan işıqlar və səs siqnalı da quraşdırılıb.
Sürücü aidiyyatə üzrə polis bölməsinə təhvil verilib. Onun barəsində toplanmış materiallar Abşeron rayon Məhkəməsinə göndərilib. Məhkəmənin qərarına əsasən Şəmistan Mirişli 15 gün inzibati qaydada həbs olunub.
Videonu təqdim edirik:
Fərid