Müğənni qəzada öldü; onun olduğu maşın qatarla toqquşub – ANBAAN VİDEO
Avtosfer TV 20 Avqust 2020 12:33 Oxunub 3926

Rumıniyalı müğənni Tavi Pustiu yol qəzası nəticəsində dünyasını dəyişib. Avtosfer.az xəbər verir ki, hadisə Ploeşti şəhərində qeydə alınıb. Bu barədə Fanatik.ro portalı məlumat yayıb.

Məlumata görə, şəhərdə baş tutacaq şənliyə dəvət alan 29 yaşlı müğənni, yola çıxdığı avtomobilin ön kreslosunda əyləşərək sosial şəbəkədə canlı efirə qoşulub. Sükan arxasında olan həyat yoldaşı ilə deyə-gülə yollarına davam edən müğənni dəmir yol keçidindən keçdikləri zaman üzərlərinə qatarın gəldiyini görərək qışqırıb. Amma sürücü, xəbərdarlığa gec reaksiya verdiyi üçün toqquşma baş verib.

Zərbənin təsirindən qatar avtomobili bir neçə yüz metr sürükləyib.

Qəza nəticəsində, Tavi Pustiu aldığı xəsarətlərdən hadisə yerində dünyasını dəyişib. Sükanı idarə edən 24 yaşlı həyat yoldaşı isə ağır vəziyyətdə  xəstəxanaya çatdırılıb.

Yerli polis, qəzanın sürücünün yol hərəkəti qaydalarına riayət etməməsi səbəbindən baş verdiyini bildirib.

 

Namiq Musayev

 

ŞƏRH YAZ
Ad

E-mail

Şərh