Mühafizəçi işlədiyi bankın avtomobilini qaçırdı; içərisində külli miqdarda pulla - VİDEO

Krımda işlədiyi bankın, pulla dolu xüsusi maşınını qaçıran şəxs yaxalanıb. Avtosfer.az xəbər verir ki, baş verən hadisənin görüntüləri təhlükəsizlik kamerasına düşüb.

Kadrlarda, yanacaqdoldurma məntəqəsinə inkassatorun yaxınlaşaraq dayandığı və salonundan mühafizəçinin enərək mağazaya doğru hərəkət etdiyi görülür.

Bundan sonra maşında qalan digər mühafizəçi sürücü isə, içərisində külli miqdarda pul olan inkassatorla məntəqədən uzaqlaşır. Mağazadan pulları götürən mühafizəçi isə qayıdır, ancaq orada nə maşını tapır, nə də ki, sürücünü.

Bildirilir ki, mühafizəçi daha sonra polisə məlumat verib. Əməliyyat-axtarış tədbirlərinə başlayan hüquq-mühafizə orqanları əməkdaşları, bankın avtomobilini hadisə yerindən 1,5 kilometr kənarda aşkarlayıblar.

40 milyon rublu (924,000) götürüb qaçan cinayətkar isə, “Toyota” markalı avtomobili ilə yarımadanı tərk etmək istəyərkən, Kerç şəhərində polis tərəfindən saxlanılıb.

Namiq Musayev