Nömrəsiz maşınla qadını sıxışdırıb avtomobilini əzdilər – Polis axtarışa başladı - FOTO - VİDEO

Polislər qadın sürücünün avtomobilini təpiklə əzən şəxsi axtarır.  Avtosfer.az xəbər verir ki, Rusiyanın Vladivostok şəhərində baş verən hadisənin görüntüləri kameraya düşüb. Nömrə nişanı olmayan “Subaru Levorg” markalı avtomobilin sürücüsü sola manevr edərkən sağdan gələn nəqliyyat vasitələrinə yol verməyərək təhlükəli vəziyyət yaradıb. Bu zaman “Toyota Passo”nun qadın sürücüsü siqnala sıxaraq etirazını bildirib. 
Buna qəzəblənən sürücü avtomobili yolun ortasında saxlayaraq maşından düşüb. Qadına hücum çəkən şəxs onu və azyaşlı övladını qorxudaraq aqressiv təhdidlər etməyə başlayıb. Öz avtomobilinə geri qayıdan şəxs qadının onu polislə təhdid etdikdən sonra daha da əsəbiləşib və qaçaraq avtomobilin qapısına təpiklə vuraraq oradan uzaqlaşıb. 

Yerli medianın məlumatına görə, zərərçəkmiş polisə müraciət edib. Hazırda hüquq-mühafizə orqanları tərəfindən araşdırma aparılır.
Sözügedən hadisənini anbaan videosunu təqdim edirik:

Namiq Musayev