Oğurladığı motosikletlə polisdən qaçan gənc qəza törətdi - Düşüb piyada qaçdı - VİDEO

Oğurladığı motosikletlə polisdən qaçan gənc qəza törədib. Avtosfer.az xəbər verir ki, Böyük Britaniyanın Bradford şəhərində 17 yaşlı gənc oğurladığı motosikletlə polisin təqibindən yayınan zaman gəldiyi sürətlə yol ayrıcına daxil olaraq “Vauxhall Corsa” markalı avtomobilə çırpılıb. Zərbənin təsirindən motosikletli havaya qalxaraq asfalta düşüb, “Vauxhall Corsa” isə idarə etmədən çıxaraq “Audi A5” markalı maşına toxunub.
Qəzadan sonra piyada olaraq qaçmağa çalışan 17 yaşlı gənc şlaqbaumun dirəyinə çırpılıb və polis tərəfindən saxlanılıb. Hazırda faktla bağlı araşdırmalar davam edir.
Sözügedən hadisənin videosunu təqdim edirik:

Namiq Musayev