Övladının satıldığını iddia edən qadın danışdı - VİDEO

“SMG Production” istehsalı olan “DALAN 18+” layihəsinin budəfəki buraxılışında 20 ildir övladını axtaran bir qadının həyat hekayəsi təqdim edilib. 

Rayondan şəhərə oxumağa gələn 18 yaşlı gənc qız evli olduğunu bilmədiyi bir kişiyə aşiq olur və bu qeyri-rəsmi münasibət onun hamilə qalmağı ilə nəticələnir. Yalnız hamilə olduqdan sonra bərabər olduğu kişinin evli olduğunu öyrənib. Gecikdiyi üçün və maddi imkanı olmadığı üçün hamiləliyi dayandıra bilmir. 

O, ailəsindən uzaq doğuş zamanını gözləyir və 1 oğlan övladı dünyaya gətirir. Bütün bu müddət ərzində psixoloji vəziyyəti pozulan ana digər tərəfdən də ailə və cəmiyyət basqısından qorxduğu üçün doğum evində uşağından imtina ərizəsi yazır. Bununla da onun faciəvi həyat hekayəsi başlayır. Hazırda hadisənin üstündən 20 il keçib və bu 20 il ərzində axtarışı davam etdirən qadın “DALAN”a müraciət edib. 

Ətraflı verilişi təqdim edirik: