Özündən böyük yük daşıyan maşın yellənə-yellənə gedib təhlükə saçdı - VİDEO

Bakı-Sumqayıt şosesində təhlükə yaradan yük maşınının sürücüsü anbaan görüntülənib.

Avtosfer.az-ın məlumatına görə, hadisə aprelin 12-də saat 12:25 radələrində qeydə alınıb. Videodan da görünür ki, 50-BN-553 dövlət nömrə nişanlı “ZIL” markalı yük maşınının sürücüsü avtomobilin yük yerinə həddindən artıq məişət tullantıları yığaraq sürüb. Bununla kifayətlənməyən sürücü maşının digər hissələrinə də zibillə dolu selofanlar asıb və dövlət nömrə nişanını bağlayıb. Nəticədə nəqliyyat vasitəsi həddindən artıq yükləndiyi üçün yol boyu yellənə-yellənə hərəkət edib və bu vaxt digər avtomobillərə təhlükə yaradıb. Hətta kadrda maşının yük yerindən tullantının yerə düşdüyü də aydın şəkildə əks olunub. Digər tərəfdən dar yolda yük maşınını bu vəziyyətdə idarə etmək qəza riskini daha da artırıb.

Qeyd edək ki, “Yol hərəkəti haqqında” qanunun 57-ci maddəsinə əsasən, avtomobilin növündən asılı olaraq nəzərdə tutulmuş çəkidən əlavə yük daşımaq və onun yerə düşəcəyi şəkildə aparmaq qadağandır. Eyni zamanda yükün xarici işıq siqnallarının və işıqqaytarıcıların, qeydiyyat və tanınma nişanlarının üstünü tutması da qayda pozuntusu hesab olunur. 

Nərmin