Paytaxtda zəncirvari qəza: ara məsafəsi gözləmədilər - VİDEO

Bakıda üç avtomobilin toqquşmasıyla nəticələnən zəncirvari qəza baş verib. Avtosfer.az xəbər verir ki, “Toyota”, “Hundai” və “Mercedes” markalı avtomobillərin iştirakıyla baş verən hadisə Azərbaycan prospektində, Şahmat məktəbinin yaxınlığında qeydə alınıb. Qəzaya səbəb yolayrıcında “Toyota” və “Hyundai” markalı minik maşınlarının sürücülərinin ara məsafəsini saxlamaması olub. 
Görüntülərdən aydın olur ki, “yol ver” işarəsi olduğu üçün “Mercedes” markalı avtomobilin sürücüsü dayanır. “Hyundai” markalı avtomobil “Mercedes”ə çıpılır və dayanır. Ardınca isə “Toyota” “Hyundai”ni vurur.
 Qəza nəticəsində xəsarət alan olmasa da avtomobillərə maddi ziyan dəyib. Görüntülər əraziyə baxan müşahidə kamerası vasitəsi ilə lentə alınıb. Həmin videonu təqdim edirik.

Yunis İsrafilov