Peşəkar təcili yardım sürücüsü belə olur - Bakıda - VİDEO

Noyabrın 2-də Salyan şossesində (Bibiheybət məscidinin yanında) qaydalara tam şəkildə riayət edən təcili tibbi yardım avtomobilinin görüntüləri Avtosfer.az-ın kamerasına düşüb. Xidməti vəzifəsini yerinə yetirən təcili yardım avtomobilinin sürücüsü geriyə dönməzdən əvvəl arxadan gələn avtomobilin ona yol verməsinə əmin olduqdan sonra sola dönüb. Bundan sonra sağ tərəfdən gələn avtomobillərin ona yol verməsini tam gözlədikdən sonra geriyə dönərək hərəkətini davam etdirib.

“Yol hərəkəti haqqında” qanunun 74-cü maddəsinin II hissəsində qeyd olunub ki, "Hərəkətin başqa iştirakçıları qarşısında üstünlük almaq üçün belə nəqliyyat vasitələrinin sürücüləri sayışan işıq və xüsusi səs siqnalını qoşmalıdırlar. Həmin sürücülər, onlara yol verildiyini yəqin etdikdən sonra üstünlükdən istifadə edə bilərlər". 

Qeyd etdiyimiz təcili yardım avtomobilinin sürücüsü qanunu tam oldugu kimi, yəni, üstünlük almaq üçün əvvəlcə o sayrışan işıq siqnalını və xüsusi səs siqnalını qoşub, ona yol verildiyinə əmin olduqdan sonra hərəkətə başlayıb.

Ümid edirik ki, bu video digər üstün keçid hüququ olan avtonəqliyyat vasitələrinin sürücülərinə, xüsusən də polis əməkdaşlarına bir nümunə olacaq.

Təbriz