Avtosfer.az | Reklam
Pişiyə baxmaq üçün əyilən azyaşlını maşın vurdu - VİDEO
Avtosfer TV 28 Sentyabr 2020 19:43 Oxunub 1298
Pişiyə baxmaq üçün əyilən azyaşlını maşın vurdu - VİDEO

Türkiyənin İstanbul şəhərində avtomobilin altındakı pişiyə baxmaq istəyən uşağı maşın vurub. Avtosfer.az DHA-ya istinadən xəbər verir ki, hadisənin görüntüləri Esenyurt rayonunda qeydə alınıb.

Təhlükəsizlik kamerasına düşən kadrlarda, küçədə balaca bir oğlanın əyilərək maşının altına girən pişiyə baxdığı və bu zaman həmin küçəyə daxil olan qırmızı rəngli avtomobilin altında qaldığı görülür.

Videoda, maşının buferi ilə asfaltın arasında sıxışaraq əzilən azyaşlının, bir neçə metr sürükləndiyi də əks olunub.

Agentliyin məlumatına görə, hadisə nəticəsində ağır xəsarətlər alan uşaq, ətrafdakı insanların köməkliyi ilə xəstəxanaya çatdırılıb. Tibb müəssisəsindən, oğlanın ayaqlarının qırıldığını bildiriblər.

Hazırda onun müalicəsi davam edir.

 

Namiq Musayev

 

ŞƏRH YAZ
Ad

E-mail

Şərh