Polisdən qaçan məktəbli qız avtomobili hasara çırpdı – Anası cərimələndi - VİDEO

Anasının avtomobili ilə polisdən qaçan yeniyetmə qəza törədib. Avtosfer.az xəbər verir ki, Buryatiya Respublikasında baş verən hadisə polis avtomobilinin kamerasına düşüb.

Məlumata görə, Ulan-Ude şəhərinin İvolginski rayonunda xidmət aparan polis əməkdaşları şübhəli “Nissan” markalı avtomobilə “Saxla” əmrini veriblər. Lakin, sürücüsü əmrə tabe olmayaraq qaza sıxaraq yayınmağa çalışıb. Qaçış əsnasında ara yola manevr edən sürücü sükan idarəetməsini itirərək avtomobili hasara çırpıb. Qəza nəticəsində xəsarət alan olmayıb. Polis əməkdaşları 14 yaşlı sürücü qızı və onun həm yaşıdı olan 2 rəfiqəsini bölməyə aparıb. Sorğu-sual zamanı məktəbli avtomobilin anasına məxsus olduğunu və onu icazəsiz götürərək rəfiqələri ilə gəzintiyə çıxdığını deyib. Yeniyetmə qızın anası polis bölməsinə dəvət olunaraq profilaktik söhbətlər apardıqdan sonra inzibati qaydada cərimələnib.

Sözügedən hadisənin anbaan videosunu təqdim edirik:

Namiq Musayev