Polisdən qaçan sürücü restorana girdi: 1,54 sərxoş çıxdı - VİDEO

Türkiyənin İstanbul şəhərində polisin “saxla” əmrinə tabe olmayaraq qaçan sərxoş sürücü avtomobilini restorana çırpıb. Avtosfer.az yerli KİV-lərə istinadən xəbər verir ki, hadisə Beylikdüzünün Barış məhəlləsi, Anadolu küçəsində baş verib.

Əldə edilən məlumata görə, Büyükçekmece rayonunda polis qruplarının keçirdiyi tədbirlər zamanı “saxla” əmri alan sürücü Ö.T. xəbərdarlığa tabe olmayıb və qaçmaq çalışıb.

Polis qruplarının təqibi nəticəsində sərxoş olduğu müəyyən edilən sürücü, Anadolu küçəsində sükan hakimiyyətini itirərək bir restorana çırpılıb.

Hadisə zamanı xoşbəxtlikdən ölən və yaralanan olmayıb, şübhəli şəxsin polis tərəfindən saxlanılıb və 1,54 promil sərxoş olduğu müəyyən olunub.

Namiq Musayev