Prospektdə "avtoşluq" edib ölümünə sürən şəxs kimdir - ARAŞDIRMA - VİDEO

Bakıda avtoxuliqanlıq edən sürücünün videosu sosial şəbəkədə yayılıb. Avtosfer.az xəbər verir ki, sürücü paytaxın Ziya Bünyadov prospektində yüksək sürətlə hərəkət edərək manevr və ötmə qaydalarını kobud  şəkildə pozub. O, avtomobillərin arasından şütüyərək həm özünü, həm də digər sürücülərin həyatını təhlükə altında qoyub.

Avtosfer.az-ın araşdırmasına görə, həmin avtomobil “Ford” markalıdır və görüntü 2021-ci ilin fevral ayının 21-də qeydə alınıb. Videonun rəy bölməsinə yazan sosial şəbəkə isifadəçilərindən biri iddia edib ki, videoda əks olunan avtomobil 99-OA-988 qeydiyyat nişanlı “Ford” markalı avtomobildir.

Ümid edirik ki, aiddiyəti qurumlar video ilə bağlı araşdırma aparıb lazımi tədbirlər görəcək.

Leyla