Prospektdə maşını arxaya idarə edən sürücüdən təhlükəli anlar - VİDEO

Bakının mərkəzində sürücü yol qaydalarını kobud şəkildə pozub. Avtosfer.az xəbər verir ki, Mirzəağa Əliyev və Füzuli küçələrinin kəsişməsində “Mercedes” markalı 90-NA-296 dövlət nömrə nişanlı avtomobilin sürücüsü maşını arxa-arxaya idarə edib. Bu hərəkətiylə o digər nəqliyyat vasitəsi iştirakçılarına ciddi təhlükə yaradıb.

Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov məsələ ilə bağlı baku.ws-ə bildirib ki, sürücü həqiqətən də ətrafda olan insanların həyatını təhlükəyə atıb. “Çox güman ki, sürücünün bu yola necə girdiyi aydınlaşdırılmalıdır. Bu istiqamətdə sürücünün nəqliyyat vasitəsinin geri hərəkət etdirərkən təhlükəsizlik tədbirləri görülməlidir. Bizim tərəfimizdən raport tərtib ediləcək. Həmin sürücünün aşkarlanması üçün tədbirlər görüləcək”, - deyə Vaqif Əsədov açıqlamasında deyib.

Görüntüləri təqdim edirik:

Nərminə Əli